استعداداً للمرحلة الاولى من انتخاب المغتربين في 6 أيار، أكد مرشح “القوات اللبنانية” عن المقعد الماروني في جزين المهندس سعيد الأسمر، “صوّتوا صح حتى إنتو ترجعوا على لبنان وتعرّفوا ولادكن على أصلن وجذورن وما يضطرّوا الباقيين بلبنان يهاجروا.
وأضاف عبر “تويتر”، “صوّتوا صح حتى يستعيدوا أهلكن وقرايبكن حقوقن بعيش كريم وطبابة وحماية اجتماعية نحرموا منها بظل هالطغمة الحاكمة الفاسدة، وصوّتوا صح حتى يرجع لبنان منارة الشرق بالتعليم والثقافة والطبابة والفرح وحب العيش والبحبوحة”.
وتابع، “صوّتوا صح حتى نرجّع علاقات لبنان الممتازة مع كلّ الدول الغربية والعربية الشقيقة يلّي ساعدت لبنان وما زالت لليوم الداعم الأكبر إلو ولشعبو، صوّتوا صح لانّو هيدي الفرصة الأخيرة إلنا حتى نخلّص بلدنا من المحتلّين والفاسدين يلّي بدُّن يحوّلوه لجزيرة معزولة ويستعملوه بأجندات خارجية بتخدم دول بترعى الإرهاب وبتنشر التخلّف تحت مسمّى الممناعة والمقاومة”.
وشدد على أن “اتّكالنا عليكن حتى نخلّص لبنان سوا، صوتكن رح يعمل كل الفرق، صوّتوا صح لأن معكن نحنا فينا”.
