معوّض لـ “بعض مجموعات الثورة”: عناوينكن بتفيد الحزب
أطلق النائب المستقيل ميشال معوّض سلسلة مواقف، خلال لقاء انتخابي حواري مع لائحة “شمال المواجهة”.
وقال معوّض، “شمال المواجهة لأنّو ما بكفّي نقول شو بدنا، منعرف شو بدنا، بس السؤال الأساسي هو “كيف؟”. كيف بدنا نحصّل مطالبنا؟ بالمواجهة، بمعركة استرجاع هويتنا، بمعركة وجود بوجه سلاح الحزب وايديولوجيته يلّي عم بتحاول تخطفنا وتاخد لبنان على محلّ ما بيشبهو لا سياسيا، ولا فكريا، ولا ثقافيا”.
وأضاف، “مواجهة بوجه شركاؤه بالمنظومة المجرمة، الفاسدة والفاشلة. مواجهة تنبني نظام اقتصادي-سياسي-اجتماعي جديد مبني على أسس المحاسبة، والمساءلة، والشفافية، والحوكمة، والاقتصاد الحرّ ، والعدالة”.
وتابع، “نحنا مقتنعين انو المواجهة يلّي مبلشينا بالشمال مع رموز هذه المنظومة بهيدي الدائرة، رموز وشركاء الفساد بهيدي الدائرة، بدّا تكون مواجهة شاملة بكلّ لبنان، مواجهة عابرة للطوائف وللمناطق”.
واعتبر أنه “ميشان هيك حطّينا ايدنا بايد قوى ثورية وقوى معارضة ومادّين ايدنا لكلّ القوى والمواطنين يلّي مش منغمسين ايديهن لا بالسلاح ولا بالفساد، تسوا نقدر نواجه وسوا نقدر نغيّر”.
أضاف، “كلمة لبعض مجموعات الثورة يلّي، لسوء الحظ، ما قدرنا نتّفق معها بهيدي الدائرة لأنّو هنّي رفضوا: معركتنا مش ضدكن، المهم انتو تقتنعوا انو معركتكن مش ضدنا”.
وختم معوّض بالقول، “رح تكتشفوا انو المعركة مش انتخابية، المعركة معركة سياسية، وكل العناوين الجانبية يلّي عم تفتحوها ما بتفيد الّا الحزب، شركاؤه والمنظومة”.
